Тӑвай районӗнчи Енӗш Нӑрваш ялӗнче кӑҫалхи нарӑс уйӑхӗн 8-мӗшӗнче 18 сехетре 53 ҫулти арҫын хӑйӗнчен икӗ ҫул кӗҫӗнрех шӑллӗне вӗлернӗ. Ӑна вӑл тапса-ҫапса пӗтернӗ. Пурӗ 42 хутран кая мар. Шар курни кӑштахран вилсе кайнӑ.
Пӑтӑрмах тӗлӗшпе пуҫиле ӗҫ пуҫарнӑ, судпа медицина экспертизи те ирттернӗ. Тухтӑрсем 53 ҫулти арҫын ӑс-тӑн чирӗпе нушаланнине палӑртнӑ. Ӑна суд ахӑртнех психиатри больницине ӑсатӗ. Пуҫиле ӗҫе суда ярса панӑ ӗнтӗ.
Тӑвай районӗнчи Амалӑх ялӗ ҫывӑхӗнчи юханшывра ҫын путса вилнӗ. Инкеклӗ лару-тӑру министерстви пӗлтернӗ тӑрӑх, ку шыв хӗрринче асӑрханулӑх пирки маннӑран пулнӑ.
Ку инкек иртнӗ шӑматкун, ака уйӑхӗн 16-мӗшӗнче, пулнӑ. Шупашкарта пурӑнакан 61 ҫулти арҫын унта сунара кайнӑ. Вӑл ӑнсӑртран ҫыранран ӳксе шыва путнӑ.
Аса илтерер: ака уйӑхӗн 13-мӗшӗнче Куславккара шкул ачисем пӑр катӑкӗ ҫинче ярӑннине пӗлтернӗччӗ. Вӗсене ҫӑлавҫӑсем пулӑшнӑ.
Виҫӗ кун каялла ейӳ шывӗ Тӑвай районӗнчи Вӑтаяль ялне илнӗ. Унта пурӑнакан ҫынсем ӑнлантарнӑ тӑрӑх, ҫакӑ шыв юхмалли пӑрӑх шӑнса ларнипе ҫыхӑннӑ.
Вырӑна ятарлӑ виҫӗ техника ҫитнӗ. Пӳлӗннӗ шыва часах юхтарса янӑ. Юрать, ял ҫыннисем шар курман. Ял тӑрӑхӗн администрацийӗн пуҫлӑхӗ Геннадий Иванов пӗлтернӗ тӑрӑх, шыв пӗр хуҫалӑха анчах кӗнӗ.
Сӑмах май, ҫав кунах ҫак районти Турикас Тушкил ялӗнче хиртен шыв шарлаттарса аннӑ.
Вӑрмар районӗнчи Тикеш ялӗнче пурӑнакансем кӑҫал ейӳрен шар курнӑ. Кун пирки "Про Город" хаҫата халӑх корреспонденчӗ пӗлтернӗ.
Тикешсем ака уйӑхӗн 13-мӗшӗнченпе лӑпкӑлӑха ҫухатнӑ. Ун чухне ял ҫывӑхӗнчен юхса иртекен юханшыв ейӳ шывӗпе тулса ҫыранран тухнӑ. Ҫынсем шыв часрах кайтӑр тесе канавсем те чавнӑ.
Вырӑнти администраци пӗлтернӗ тӑрӑх,юханшыв ҫыранран тухни унччен пулман. Кӑҫал юр хӑвӑрт ирӗлнӗрен ҫапла пулса тухнӑ.
Аса илтерер: ҫак кунсенче Тӑвай районӗнчи Турикас Тушкил ялне хиртен юр шывӗ аннинни пирки пӗлтернӗччӗ.
Ҫанталӑк тӑрук ӑшӑтнӑ май юр хӑвӑрт ирӗлет, ейӳ сарӑлас хӑрушлӑх пысӑк. Паян Тӑвай районӗнчи Турикас Тушкил ялӗнче уй-хиртен шыв анса ял варрипе шарлаттарса юхнӑ. Ҫакна малтан Шарик асӑрханӑ, чутах шывпа пӗрле юхса кайман. Юрать, ҫӑлӑнса юлнӑ.
Шыв кӗрлеттерсе аннине пӗр ҫын видео ӳкернӗ. Вӑл паян тӗнче тетелне лекнӗ. Ҫынсем Шарикшӑн питӗ пӑшӑрханнӑ.
Тӑвай район администрацийӗн пуҫлӑхӗ Владимир Михайлов каланӑ тӑрӑх, унта нимле дамба та татӑлса кайман, ейӳ шывӗ анни - ҫуркуннехи пулӑм.
Паян Турикас Тушкилте уй-хиртен аннӑ шывран пӗр хуҫалӑх та, пӗр ҫын та шар курман. Шыв ял варрипе ҫеҫ юхнӑ.
Паян, пуш уйӑхӗн 30-мӗшӗнче, Шупашкар хулинче пурӑнакан ӗҫ ветеранӗ Николай Зайцев 80 ҫул тултарнӑ. Паянах ӑна республика Элтеперӗ Олег Николаев «Чӑваш Республики умӗнчи тава тивӗҫлӗ ӗҫсемшӗн» орденпа чыслама йышӑннӑ.
Николай Архипович Чӑваш АССР Министрсен Совечӗн председателӗ, Раҫҫей Федерацийӗн Презденчӗн Чӑваш Енри элчи пулнӑ.
Николай Зайцев Тӑвай районӗнчи Тӗмер ялӗнче 1942 ҫулхи пуш уйӑхӗн 30-мӗшӗнче ҫуралнӑ. Атӑлҫи вӑрман техникин институтӗнче вӗреннӗ. Тӑвай ҫынни ӗмӗр тӑршшӗпех пуҫлӑх пуканӗсене йышӑнса пурӑннӑ. Унӑн биогарфийӗнчи эпир маларах асӑннӑ икӗ фактсӑр пуҫне вӑл Чӑваш Республикин Президенчӗн Администрацийӗн ертӳҫи те пулнӑ.
Паян, пуш уйӑхӗн 29-мӗшӗнче, республикӑри тӑватӑ ҫынна «Чӑваш Республикин культурӑн тава тивӗҫлӗ ӗҫченӗ» ят панӑ. Хушӑва Олег Николаев Элтепер алӑ пуснӑ.
Сумлӑ йышра – «Эстрада артисчӗсен союзӗ» общество организацийӗн вице-президенчӗ Валентина
Анисимова, Тӑвай районӗнчи Вӑрманти Тӑрӑнти культура ҫурчӗн заведующийӗ
Татьяна
Ефимова, Елчӗкри ача-пӑчан ӳнер шкулӗн преподавателӗ Римма Парферьева, Ҫеҫпӗл Мишши ячӗллӗ Чӑваш патшалӑх ҫамрӑксен театрӗн тӗп администраторӗ Роза Степанова.
«Трактор тӑвакансен культура керменӗ» республикӑри халӑх пултарулӑхӗн центрӗнче чӑваш халӑхӗн пуҫа тӑхӑнмалли хатӗрӗсене тата капӑрлӑхӗсене ӑсталассипе нумаях пулмасть семинар-практикум иртнӗ. Унта студисен, куржоксен, декоративлӑ прикладной ӳнерӗн ытти коллективӗн ертӳҫисем, пурӗ 42 специалист, хутшӑннӑ. Вӗсем — Улатӑр, Элӗк, Патӑрьел, Йӗпреҫ, Канаш, Куславкка, Комсомольски, Хӗрлӗ Чутай, Муркаш, Шупашкар районӗсенчи культурӑпа вӗренӳ учрежденийӗсенче тӑрӑшакансем.
Семинар-практикума пухӑннисене ӑсталӑх вӑрттӑнлӑхӗсемпе Тӑвай районӗнчи Тӑрмӑшри культура ҫуртӗнчи «Тӑрмӑш» халӑх фольклор ансамбльне ҫӳрекен Венера Николаева паллаштарнӑ. Вӑл тухьян тӗп пайне ҫекӗлпе ҫыхма вӗрентнӗ. «Руҫ ӑстисем» конкурса хутшӑнакан Инна Сугутская вӗтӗ шӑрҫапа чӑваш эрешӗсене ӑсталама хӑнӑхтарнӑ.
2021 ҫулхи раштав уйӑхӗнче Тӑвай районӗнчи Вӑрманхӗрри ялӗ ҫывӑхӗнче полицейскисем ӗне виллине тупнӑ. Пакунлисем кун пирки Россельхознадзора пӗлтернӗ.
Ҫакӑ палӑрнӑ: вилнӗ ӗне «Дружба» ЯХПКн пулнӑ. Вӑл Вӑрманхӗрринчен инҫех мар вырнаҫнӑ.
Россельхознадзор ял-хуҫалӑх производство кооперативӗн должноҫри ҫынни тӗлӗшпе административлӑ ӗҫ пуҫарнӑ. Суд айӑплӑ ҫынна 20 пин тенкӗ штраф тӳлеттерме йышӑннӑ.
Тӑвай районӗнчи Мучар ялӗнче пурӑнакансем 13 ҫул шыв кӗтне. Кӑҫал тинех шыв башни ӗҫлесе кайнӑ.
2008 ҫулта мучарсем шывлӑ пулас тесе 50 пин тенкӗ пухнӑ. Анчах ӗҫ малалла кайман, вырӑнти тӳре-шара ку ӗҫе мӗнле программӑпа хута ярасси пирки шутланӑ.
Пӗлтӗр Элтепер хатӗр проектлисене пулӑшма хушу парсан Мучарта шыв сечӗсене хунӑ, башня лартнӑ. Йӑнтӑрччӑсен те проекчӗ хатӗр пулнӑ. Ҫак икӗ ялта шыв тӑвас тесе Чӑваш Енӗн резерв фондӗнчен 26 миллион тенкӗ уйӑрнӑ.
Сӑмах май, хальхи вӑхӑтра республикӑра 3 пине яхӑн шыв башни тата скважина пур. Анчах вӗсенчен чылайӑшне юсаса ҫӗнетмелле.
Шупашкарта ҫывӑх вӑхӑтра (14.05.2024 21:00) уяр ҫанталӑк, атмосфера пусӑмӗ 757 - 759 мм, 5 - 7 градус ӑшӑ пулӗ.
| Золотницкий Николай Иванович, чӑваш чӗлхе пӗлӗвӗн никӗсне хываканӗ, тӗпчевҫӗ, этнограф вилнӗ. | ||
| Оболенцев Никита Иванович, ҫыравҫӑ, драматург, Чӑваш ССР тава тивӗҫлӗ культура ӗҫленӗ ҫуралнӑ. | ||
| Репьях Станислав, украин сӑвӑҫи, Чӑваш Енӗн тава тивӗҫлӗ культура ӗҫченӗ ҫуралнӑ. | ||
| Дементьев Пётр Васильевич, СССРта авиапром ӗҫне пуҫаракансенчен пӗри вилнӗ. | ||
Пулӑм хуш... |